Hóskvøldið 23. februar kl. 20.00 skipar Miðnám í Vestmanna fyri kunningarkvøldi á skúlanum.

Tiltakið er eitt høvi hjá ungum og foreldrum ella avvarðandi at koma á skúlan og fáa kunning um útbúgvingarnar, sum Miðnám í Vestmanna hevur at bjóða.

Á skránni er kunning um tilfeingisbreytina og um aliútbúgvingina, og um skúlalívið á Miðnám í Vestmanna sum heild. Rundvísing er eisini á skránni fyri tey, sum ikki hava verið á skúlanum áður. Høvi verður eisini at fáa eitt prát við lestrarvegleiðarar og verandi næmingar.

At krýdda kvøldið verður eingin minni enn RSP, sum vit kenna best frá sanginum ”Gev mær meira pengar, mamma”.

Magnus Gaard, rektari, gleðir seg til kvøldið og vónar, at nógv hava hug at koma á gátt. Kvøldið er ætlað øllum, sum vilja vita meira um skúlan, og ikki bert umhugsa at taka eina av útbúgvingunum, sum Miðnám í Vestmanna bjóðar.

 

Nú fyrstu alilærlingarnir í Føroyum eru um at enda 1. skúlaskeið og fara út aftur á arbeiðsplássini, fara alifyritøkurnar at søkja eftir alilærlingum at byrja á 1. skúlaskeiði í august í ár. Bakkafrost lýsir eftir alilærlingum við freist at søkja tann 15. mars 2023, og væntandi fara hinar fyritøkurnar eisini at søkja eftir lærlingum um heilt stutta tíð.

Til ber at síggja lýsingarnar eftir alilærlingum á heimasíðunum hjá alifyritøkunum, á heimasíðuni hjá Yrkisdeplinum umframt á øðrum heimasíðum eisini.

Miðnám í Vestmanna gleðir seg at taka ímóti nýggju lærlingunum um hálvan august.

Næmingar á Miðnámi luttaka í spennandi náttúruverkætlan á Kalsoynni.
 
Í einum størri lendisbata verkætlan, sum er fíggjað av Norðurlandaráðharraráðnum, luttaka næmingar á tilfeingisbreytini. Ætlanin er fyrst at kanna eina skriðu í Syðradali gjølla og síðani í 2024 og 2025 at gera ábøtur á skriðuna fyri at fáa gróður í hana aftur.
Verkætlanin er umframt at bøta um landbúnaðarlendi, eisini ein liður í at varðveita lívfrøðiligt margfeldi og binda kolevni í lívrunnum evnum í gróðri og mold. 
 

Kom á Miðnám í Vestmanna sunnudagin 25. sept. kl. 16, har ársins bókaverk "Fuglar okkara" verður lagt fram. Tað verður hugnaløta av teimum stóru.

Myndatakarin Silas Olofson og lívfrøðingurin Jórun Poulsen greiða frá bókini og vísa sjaldsamu og hugtakandi myndirnar á stórskíggja.

Til ber at keypa bókaverkið, og 2. flokkur selur kaffi og vaflur at hugna sær við henda sunnudagsseinnapartin.

Øll eru hjartaliga væl komin til framløguna.

Fleiri greinar...

  1. Skúlagongdin kom væl í gongd
  2. Skúlagongdin byrjar aftur 15. aug.
  3. Prógvhandan 2022
  4. Fyrsta húgvan í ár