21. mars 2024

Tilfeingisfrøði B í dag

Í lærugreinini Tilfeingisfrøði B í dag gjørdi 2. flokkur eina øðrvísi bólkauppgávu: Evnið var “Matur – evni og orka”.

Hvør bólkur skuldi keypa inn og gera ein rætt hvør til eitt sjálvtøkuborð. Harumframt fyrireikaðu tey eina framløgu, har tey m.a. skuldu greiða frá um innihaldið í rættunum, hvussu lutfallið var ímillum eggjahvítaevni, kolvætu og fiti í vekt og í joule. Eisini skuldu tey kanna, hvørjar av vørunum vóru innfluttar, og kjakast, um nakrar av vørunum kundi verið framleiddar í Føroyum í staðin fyri at innflyta tær.

Flokkurin hugnaði sær og gjørdu sær ómak við bæði mati og framløguni.

Sí myndir her.