Við skúlaárslok hevur 1. flokkur á Miðnámi í Vestmanna arbeitt við myndagreining í føroyskum, og vit hava verið ein túr ígjøgnum føroyska myndlistasøgu. Í hesum sambandi hava vit verið á vitjan á
Listasavninum, har listfrøðingur vísti okkum runt og greiddi okkum frá listafólkum og verkum, ið vit hava arbeitt við. Føroysk myndlist lýsir Føroyar og lívið her úr ymiskum sjónarhornum og er sera spennandi at arbeiða við.
Í dag varð Jóhan Hofgaard liðugur við verkliga partin av námsfrøðiligu útbúgving síni á Miðnámi í Vestmanna.
Seinasta árið hevur hann lært handverkið, sum tað eisini er, at undirvísa á einum miðnámsskúla í Føroyum. Í ítrótti var tað undir kønari vegleiðing frá Hans Mikkelsen og í Lívfrøði var tað saman við roynda lívfrøðilærarinum á Miðnámi í Vestmanna Fróða Skúvadal. Uttanhýsismetarin Kári Purkhús kom úr Klaksvík til høvið.
Frá Miðnámi í Vestmanna verður ynskt Jóhan hjartaliga tillukku og blíðan byrð á yrkisleiðini.
Hevur tú hug at undirvísa í føroyskum á Miðnám í Vestmanna ?
Hevur tú hug at royna at undirvísa eitt sindur á einum lítlum hugnaligum miðnámsskúla næsta skúlaár og hevur lisið føroyskt, so fáa vit tørv á einum lærara, at undirvísa 2. flokki á Miðnám í Vestmanna í føroyskum skúlaárið 2021-2022.
Umsóknarfreistin er fríggjadagin 7. mai.
Send eina umsókn til Denne e-mail adresse bliver beskyttet mod spambots. Du skal have JavaScript aktiveret for at vise den., um hetta hevur tín áhuga
Um tú hevur spurningar um skúlan ella til starvið, ert tú eisini vælkomin, at seta teg í samband við skúlan á tlf. 210479.
Seks av leikarunum á besta kvinnuliðnum hjá SÍ, sum vann greipuna, t.v.s. bæði FM-heitið og steypakappingina í flogbólti, ganga á Miðnámi í Vestmanna.
Tær eru fremst frá vinstru: Janna, Jórunn, Sólfríð, Josefina, Sissal og Inga.
Inga er áleypari og verjuleikari (kantur), Sissal er áleypari (diagonal), Janna er hevari, Jórunn er áleypari (miðja), Sólfríð og Josefina eru verjuleikarar (libero).
Hinar á liðnum eru aftast frá vinstru: Malan Maria, Eva Gunn, Tóta, Katla, Juliia, Sofía, Maria Sarita og venjarin Rajko.
Álvur Haraldsen tók myndina beint eftir at SÍ hevði vunnið sera spennandi gullsettið um FM-heitið móti Drátti leygardagin 3. apríl. Vit ynskja SÍ hjartaliga tillukku við greipuni.
Fleiri av kvinnunum hava eisini vunnið nógv við yngru deildunum m.a. G16, G19 og unglingum.
Av tí at so gott bussamband er millum Vágar og Vestmanna, eru í løtuni umleið helvtin av næmingum á skúlanum úr Vágum.
Ferðaleiðaraskeið
Miðnám í Vestmanna skipar fyri nýggjum ferðaleiðaraskeiði, sum byrjar í august 2021 og endar í mai 2022.
Í tilfeingisfakinum á Miðnámi í Vestmanna sleppa næmingarnir eisini at royna seg úti í náttúruni og í tí veruliga lívinum. Hendan morgunin tók 2. flokkur eplini upp, sum tey settu niður í vár, tá tey gingu í 1. flokki.
Tveir fyrrverandi næmingar á skúlanum fremja nýbrot innan kanning av laksalús.
Hans Meinhard í Eyðansstovu hugleiðir um, hvørji virði náttúran hevur í dagsins samfelag.
Tórður Mikkelsen vitjar skúlan.
Tilfeingisbreytin á Miðnámi í Vestmanna er ætlað føroyskum ungdómum, sum hava áhuga fyri føroysku náttúruni, umhvørvinum og burðardyggari gagnnýtslu av náttúruríkidøminum.
Tilfeingisbreytin gevur almennan lestrarførleika til hægri lærustovnar á jøvnum føti við hinar gymnasialu breytirnar.
2020Undirvísingarfrágreiðingar 
Gl. næmingar2001 - 2020