Týskvøldið 24. februar 2026 kl. 19 verður Opið hús á Miðnámi í Vestmanna, har høvi verður at kunna seg um útbúgvingartilboðini hjá okkum, sum eru:

• Tilfeingisbreytin – ein trý ára gymnasial útbúgving, sum er serliga ætlað teimum, sum hava áhuga fyri náttúru, náttúrutilfeingi, umhvørvi og burðardygd.
  
  
• Aliútbúgvingin – ein  4 ára lærlingaútbúgving. Lærlingurin er skiftivís á læruplássinum og í skúla á Miðnámi í Vestmanna. Alifyritøkurnar søkja eftir lærlingum um várið.

Vit bjóða eisini ein drekkamunn við onkrum góðum afturvið, og høvi verður at hyggja seg um á skúlanum. Lærarar og næmingar gera ymsar spennandi royndir í starvsstovuni.

Til ber eisini at fáa hjálp við umsóknini, um tørvur er á tí.

Sangur, fyrilestur, hugni og samvera.

Skipað verður fyri einum eldradegi á Miðnámi leygardagin 28. februar klokkan 15.00. Tiltakið er ætlað øllum í aldrinum 60 ár og eldri.

Tað eru limirnir í eldraráðnum í VEKS, sum skipa fyri. Nógv gott og viðkomandi er á skránni, og tiltakið er ókeypis.

Skráin:

Kl. 15.00 Jens H. Jensen, formaður í eldraráðnum hjá VEKS bjóðar vælkomin

Kl. 15.10 Felagssangur

Kl. 15.15 Lív Mikkelsen frá Alzheimerfelagnum greiðir frá um demens og um at vera avvarðandi

Kl. 15.45 Ólavur Højgaard og Niels Olsen framføra tveir sangir

Kl. 16.00 Kaffisteðgur

Kl. 16.30 Frida J. Dam, ráðgevi í Kvinnuhúsinum, greiðir frá um ymisk sløg av harðskapi í parløgum og nærsambondum

Kl. 17.00 Ólavur Højgaard og Niels Olsen framføra tveir sangir

Kl. 17.10 Jonhard Mikkelsen greiðir frá um gomlu Fitjahúsini, framtíðarætlanir og vísir myndir

Kl. 17.40 Jákup Andreasen, nevndarlimur í eldraráðnum, tekur samanum

Kl. 17.50 Felagssangur