21. februar 2025

Kunningarkvøld 25. febr. kl. 19

Týskvøldið 25. februar 2025 kl. 19 verður kunningarkvøld á Miðnámi í Vestmanna, har høvi verður at kunna seg um útbúgvingartilboðini hjá okkum, sum eru:

• Tilfeingisbreytin – ein trý ára gymnasial útbúgving, sum er serliga ætlað teimum, sum hava áhuga fyri náttúru, náttúrutilfeingi, umhvørvi og burðardygd.
  
  
• Aliútbúgvingin – ein  4 ára lærlingaútbúgving. Lærlingurin er skiftivís á læruplássinum og í skúla á Miðnámi í Vestmanna. Alifyritøkurnar søkja eftir lærlingum um várið.

Vit bjóða eisini ein drekkamunn við onkrum góðum afturvið, og høvi verður at hyggja seg um á skúlanum. Lærarar og næmingar gera ymsar spennandi royndir í starvsstovuni.

Dugnaliga Vár Isaksen framførir nakrar sangir.

Til ber eisini at fáa hjálp við umsóknini, um tørvur er á tí.