Tilbúgving
Á Miðnámi í Vestmanna hevur tilbúgving høga raðfesting.
Hvørt ár við skúlaársbyrjan verða næmingar og starvsfólk kunnaði um týdningin av skjótum og røttum atburði, um vanlukka av einhvørjum slag skuldi hent, herundir hvussu man brúkar hjartastartaran. Brunafyriskipanin verður gjøgnumgingin og brandvenjing verður gjørd.
Á Miðnámi í Vestmanna leggja vit stóran dent á trygd, og hava vit tí eisini ein hjartastartara, ið hongur á vegginum beint innan fyri dyrnar.
Fróði og Eyðun hava fingið kunning um, hvussu farast skal fram í neyðstøðu.
Við skúlaársbyrjan verða allir næmingar og starvsfólk kunnaði um hjartastartaran.
Almenn kunning um hjartastartara sæst á www.hjartastartari.fo
Herundir er tvey filmsbrot, sum vísa, hvussu man brúkar hjartastartarar.
Sådan bruger du en hjertestarter - YouTube
First Aid - Lær at redde liv - AED - HjerteStarter - Førstehjælp - YouTube
Vit kunnu ikki verja okkum móti tí partinum av lívinum, sum snýr seg um sorg í sambandi við vanlukku, sjúku og deyða.
Miðnám í Vestmanna hevur eina ætlan um sorgar- og krepputilbúgving, sum stuðlar, vegleiðir og vísir á leiðreglur í sambandi við vanlukku, sjúku og deyða.
Visiónin er at handfara sorg og kreppu soleiðis, at næmingar og starvsfólk fáa stundisliga umsorgan og stuðul, um tey koma í hesa støðu.
